BAKI, 10 avqust — Sputnik. İndoneziya və Rusiyanın Hərbi Dəniz Qüvvələri 4-8 noyabr tarixlərində Şərqi Yava əyalətində ilk dəfə birgə təlimlər keçirəcək. Bu barədə "Indonesiadefense" portalı İndoneziya Hərbi Dəniz Qüvvələrinin komandanı vitse-admiral Denix Hendrataya istinadən xəbər verir.
"İndoneziya Hərbi Dəniz Qüvvələri və Rusiya Hərbi Dəniz Qüvvələri "Orruda-2024" birgə təlimləri keçirəcək. İlk ikitərəfli təlimlərin noyabrın 4-8-də Şərqi Yavanın Surabaya şəhərində keçirilməsi planlaşdırılır", - Hendrata qeyd edib.
Hərbi lider izah edib ki, bu, 79 il əvvəl müstəqillik əldə etdikdən sonra İndoneziya və Rusiya Hərbi Dəniz Qüvvələrinin ilk birgə təlimi olacaq.
"Xarici siyasətimizin konsepsiyası azad və aktivdir. Buna görə də təlimləri kiminlə keçirməyimizdən asılı olmayaraq heç bir problemimiz yoxdur", - vitse-admiral əlavə edib.
"Orruda" birgə təlimləri Surabayadakı baza (liman) və Yava dənizi ərazisində baş tutacaq dəniz mərhələsindən ibarət olacaq. Ölkələrin hər birində üç gəmidən istifadə etməsi planlaşdırılır.
"Təlimlər üçün təlim materiallarına gəlincə, onlar hələ də düzəldilir, çünki indiyədək biz müntəzəm olaraq ABŞ, Avstraliya, Sinqapur, Malayziya və Taylandla birgə təlimlərə dəvət almışıq", - Hendrata qeyd edib.
Komandanın sözlərinə görə, təlim materiallarının tənzimlənməsinin rus dilində ünsiyyət prosedurlarının uyğunlaşdırılması zərurətindən qaynaqlandığını izah edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.