BAKI, 6 avqust — Sputnik. Moskva Yaxın Şərqdə artan gərginlikdən narahatdır. Bu barədə Rusiya Xarici İşlər Nazirliyinin bəyanatında qeyd olunub.
XİN-in məlumatına görə, avqustun 6-da Rusiya Federasiyası xarici işlər nazirinin müavini Mixail Boqdanov Ərəb Dövlətləri Liqasının (ƏDL) Moskvadakı nümayəndəsi Valid Hamed Şiltaqı qəbul edib. Tərəflər Yaxın Şərqdə və Şimali Afrikada münaqişələrin və böhranlı vəziyyətlərin tezliklə həlli maraqları naminə Rusiya ilə Ərəb Liqası arasında qarşılıqlı fəaliyyətin gücləndirilməsinin cari məsələlərini müzakirə ediblər.
"Eyni zamanda, regionda artan gərginlikdən dərin narahatlıq ifadə edilib və bütün Yaxın Şərq üçün fəlakətli nəticələrə gətirib çıxara biləcək gərginliyin qarşısının alınmasının vacibliyi vurğulanıb", - Rusiya XİN-in saytında yerləşdirilən bəyanatda deyilir.
Boqdanovun Ərəb Liqasının nümayəndəsi ilə məsləhətləşmələri Fələstinin HƏMAS hərəkatının Siyasi Bürosunun rəhbəri İsmayıl Haniyənin iyulun sonunda Tehranda ölümü və gərginliyin artması fonunda İranın İsrailə gözlənilən hücumu fonunda baş tutub.
Keçən həftə yüksək rütbəli şiə komandiri Fuad Şükr İsrailin Beyrutun kənarına endirdiyi hava zərbələri nəticəsində öldürülüb. Hərəkatın lideri Həsən Nəsrullah Hizbullahın İsraillə mübarizənin yeni mərhələsinə keçdiyini və güclü zərbə endirmək niyyətində olduğunu bildirib. Daha sonra HƏMAS Siyasi Bürosunun rəhbəri İsmayıl Haniyə Tehranda öldürülüb, onun ölümünə görə İsrail qisas alınacağı ilə hədələnib. İsrail rəhbərliyi İran və bölgədəki müqavimət hərəkatlarının hücumu halında Livana kütləvi zərbələr endirməyə hazır olduğunu bəyan edib.