BAKI, 5 avqust — Sputnik. 2024-cü ilin payızında Azərbaycanda məktəbliləri uzun tətillər gözləyir:
▪️ 12-22 noyabr - payız tətilləri
▪️ 9-10 və 23-24 noyabr şənbə və bazar günlərinə təsadüf edir.
▪️ 8 noyabr – Qələbə günü və 9 noyabr – Bayraq günü qeyri-iş günü hesab olunur.
Noyabrın 9-u şənbə gününə təsadüf etdiyi üçün noyabrın 11-i də bayram olacaq.
Beləliklə, ümumilikdə məktəblilərin tətili noyabrın 8-dən başlayacaq və noyabrın 25-dək 17 gün davam edəcək.
Qeyd edək ki, Baş nazir Əli Əsədov avqustun 1-də “Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının keçiriləcəyi dövrdə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkilinə dair əlavə tədbirlər haqqında" qərar imzalayıb.
Bu qərara əsasən Azərbaycanda fəaliyyət göstərən təhsil müəssisələrində (xüsusi təhsil müəssisələri istisna olmaqla) təhsilin pillələri üzrə tədris və təlim-tərbiyə prosesinin aşağıdakı qaydada təşkili təmin ediləcək:
1. ümumi təhsil pilləsi üzrə - 2024-cü il noyabrın 12-dən 22- dək payız tətili;
2. peşə, orta ixtisas və ali təhsil pillələri üzrə - Bakı və Sumqayıt şəhərlərində, Abşeron rayonunda 2024-cü il noyabrın 12- dən 22-dək distant (məsafədən) formada təhsil.
25.04.24, 15:36
Azərbaycan məktəblərində yaz tətili başlayır
Mayın 1-dən dövlət ümumi təhsil müəssisələrində 2023/2024-cü tədris ili üzrə ibtidai siniflər üçün əlavə yaz tətili (1-5 may) başlayır.
Məktəbəqədər və Ümumi Təhsil üzrə Dövlət Agentliyindən bildirilib ki, həmçinin dövlət məktəbəhazırlıq qruplarında 5 gün əlavə tətil (1-5 may) olacaq.