BAKI, 3 avqust — Sputnik. Kiyevin "Drujba" neft kəməri ilə neft nəqlini dayandırması Aİ-nin enerji təhlükəsizliyinə təhlükə yaradır, eyni zamanda Kiyevin danışıqlar aparmaq iqtidarında olmadığını və onun şantaj meylini təsdiqləyir.
Bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Andrey Nastasin bildirib.
"Macarıstan, Çexiya və Slovakiyadan nefti alınan Rusiyanın "Lukoyl" şirkətinin tədarükçülərindən birinə qarşı hüquqi təzyiqin növbəti mərhələsi bizim üçün heç də təəccüblü olmayan təsadüf nəticəsində bir sıra dinc diplomatik danışıqlarla üst-üstə düşdü. Budapeştin Ukraynadakı münaqişənin tezliklə həllinə yönəlmiş təşəbbüsləri, Macarıstan və Slovakiya hakimiyyətinin Brüsselin növbəti qeyri-qanuni anti-Rusiya sanksiya qərarlarını dəstəkləməkdən imtina etməsi ilə üst-üstə düşür", o, brifinqdə bildirib.
Nastasin Kiyevin bu cür hərəkətlərini Vaşinqtonun və Aİ kuratorlarının amansızca macarlara və slovaklara təzyiq etmək qərarına gəlməsi ilə əlaqələndirib. O qeyd edib ki, Ukraynanın bu cür hərəkətləri mövcud siyasi rejimin danışıqlar apara bilmədiyini və şantaj meylini bir daha təsdiqləyir.
Bundan əvvəl Macarıstanın xarici işlər naziri Piter Siyyarto "Drujba" neft kəməri ilə Ukrayna ərazisindən "Lukoyl" neftinin nəqlinin dayandırıldığını bəyan edib. Slovakiyanın İqtisadiyyat Nazirliyi də Ukraynanın öz ərazisindən tranziti dayandırması səbəbindən ölkənin "Lukoyl"dan neft almasını dayandırdığını təsdiqləyib.