BAKI, 1 avqust — Sputnik. Kiyev rejimi bilməlidir ki, F-16 qırıcılarının gəlişinə baxmayaraq, onun heç bir dərdə faydası yoxdur. Bunu Rusiya prezidentinin mətbuat katibi Dmitri Peskov deyib.
Bundan əvvəl Bloomberg agentliyi vəziyyətlə tanış olan mənbələrə istinadən xəbər vermişdi ki, NATO ölkələri tərəfindən təhvil verilən ABŞ F-16 qırıcılarının ilk partiyası Ukraynaya gəlib. Daha sonra Britaniyanın Teleqraf qəzeti Ukraynanın ilk uçuşlarını F-16-larla həyata keçirdiyini, qırıcıların hava hücumundan müdafiəsi kimi istifadə edildiyini yazıb.
F-16, arxiv
© AFP 2024 / AAMIR QURESHI
Peskov jurnalistlərin döyüş təyyarələri ilə bağlı sualını cavablandırarkən deyib:
"Burada heç bir sehrli dərman söhbət gedə bilməz. Kiyev rejiminin silahlı qüvvələrinin heç bir çarəsi olmayacaq və onlar bunu bilməlidirlər".
Peskov jurnalistlərə bildirib ki, Kreml Rusiya ilə digər ölkələr arasında mümkün məhbus mübadiləsi ilə bağlı heç bir şərh vermir.
O, Rusiya, ABŞ, Almaniya və Belarus arasında gözlənilən böyük məhbus mübadiləsi və Wall Street Journal-ın jurnalisti Evan Qerşkoviçin guya dəyişdirilməsi ehtimalı ilə bağlı sualı belə cavablandırıb.
Bundan əvvəl Sverdlovsk vilayət məhkəməsi ABŞ-ın "Wall Street Journal" qəzetinin jurnalisti Evan Qerşkoviçi casusluq işi üzrə 16 il müddətinə azadlıqdan məhrumetmə cəzasına məhkum edib. FTX Qerşkoviçin həbsini 2023-cü il martın 30-da elan edib. Jurnalist 15 ay həbsdə qalıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.