BAKI, 30 iyul — Sputnik. MDB-nin Moskvada keçiriləcək payız sammitində Böyük Vətən Müharibəsində Qələbənin 80 illiyi ilə əlaqədar MDB ölkələrinin rəhbərlərinin Birliyə üzv dövlətlərin xalqlarına və dünya ictimaiyyətinə müraciətinin qəbul edilməsi planlaşdırılır. Rusiya Federasiyasının MDB-də daimi nümayəndəsi Andrey Qrozov deyib.
"Əsas mövzu tarixin saxtalaşdırılmasına və nasizmin tərənnümünə qarşı mübarizədir. İndi biz sadəcə olaraq sənəd layihəsini hazırlayırıq", Qrozov bildirib.
Rusiyanın daimi nümayəndəsi qeyd edib ki, bu sənəd MDB Dövlət Başçıları Şurasının Moskvada keçiriləcək iclasında qəbul olunmaq üçün hazırlanır.
O bildirib ki, MDB ölkələrinin daimi nümayəndələrinin Minskdə keçiriləcək iclasında MDB çərçivəsində qarşılıqlı fəaliyyətin inkişafına dair bir sıra mühüm məsələlər, ilk növbədə, Xarici İşlər Nazirləri Şurasının qarşıdan gələn iclasına hazırlıq müzakirə olunacaq.
"Mən və həmkarlarım ali qanunvericilik orqanlarının iclaslarının gündəliyinə daxil edilməsi gözlənilən məsələləri müzakirə edəcəyik, əslində biz bu gündəliyi müvafiq təsdiq üçün ölkələrə göndərmək üçün formalaşdıracağıq".
Oktyabrın 7-8-də Moskvada MDB Xarici İşlər Nazirləri Şurasının və Dövlət Başçıları Şurasının növbəti iclaslarının keçiriləcəyi gözlənilir.