BAKI, 29 iyul — Sputnik. Belarus prezidenti Aleksandr Lukaşenko rusiyalı həmkarı Vladimir Putinlə payıza qədər bütün problemli məsələləri – həm təhlükəsizlik şurasında, həm də hökumətlə bağlı məsələləri həll etmək barədə razılığa gəldiyini bildirib. Bu barədə Belta dövlət agentliyi məlumat yayıb.
"Payızda İttifaq Dövlətinin yaradılması haqqında Müqavilənin 25-ci ildönümü ərəfəsində bütün ən mühüm tədbirlər Minskdə baş tutacaq. Rusiya Prezidenti də bildirib ki, bu vaxta qədər bütün problemli məsələlər təhlükəsizlik şuraları, həm də hökumət səviyyəsində həll edilməlidir", - məlumatda bildirilib.
Belarus prezidenti ölkəsinin ŞƏT-də müəyyən edilmiş məqsədlərə doğru irəliləyiş strategiyasını dərhal müəyyən etmək niyyətində olduğunu açıqlayıb.
Lukaşenko xatırladıb ki, bu ilin iyulunda Astanada keçirilən ŞƏT sammitində Belarus yeni statusda - bu təşkilatın üzvü kimi çıxış edib.
"Biz qarşıya qoyduğumuz məqsədlərə doğru irəliləyiş strategiyasını dərhal müəyyənləşdirməliyik", - Belarus prezidenti bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.