BAKI, 26 iyul — Sputnik. Rusiya və Türkiyənin xarici işlər nazirləri Sergey Lavrov və Hakan Fidan Vyantyanda Cənub-Şərqi Asiya Ölkələri Assosiasiyası (ASEAN) çərçivəsində nazirlərin tədbirləri çərçivəsində görüş keçirib. Bu barədə Xarici İşlər Nazirliyi məlumat yayıb.
"Görüşdə ikitərəfli münasibətlərin aktual məsələləri nəzərdən keçirilib, Rusiya ilə Türkiyə arasında beynəlxalq arenada, o cümlədən çoxtərəfli platformalarda praktiki qarşılıqlı fəaliyyətin müəyyən aspektləri diqqət mərkəzində saxlanılıb. Ən yüksək səviyyələrdə qarşıdan gələn ikitərəfli təmaslar müzakirə edilib", - Rusiya Xarici İşlər Nazirliyi görüşün yekununa dair məlumatda bildirib.
Hazırda 2024-cü ildə ASEAN-a sədrlik edən Laos regional blokun və təşkilatın dialoq üzrə tərəfdaşlarının illik bir sıra nazirlər səviyyəsində iclaslarına ev sahibliyi edir.
ASEAN-a Tayland, İndoneziya, Malayziya, Sinqapur, Filippin, Bruney, Laos, Vyetnam, Kamboca və Myanma daxildir. Şərqi Timorda hazırda ASEAN-a qoşulma prosesi gedir.
Daha əvvəl Rusiya liderinin mətbuat katibi Dmitri Peskov RİA Novosti-yə bildirib ki, Rusiya prezidenti Vladimir Putinin Türkiyəyə səfərinə hazırlıq gedir, lakin tarix hələ müəyyən edilməyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.