BAKI, 20 iyul - Sputnik. Parisdə keçiriləcək 2024-cü il Olimpiadası qəribə və heyrətamiz görünür - yarışların ekologiya nişanı altında keçiriləcəyi bildirilmişdi, lakin bunun üçün və idmançıların müdafiəsi üçün praktiki olaraq heç bir iş görülməyib. Belə bir açıqlama ilə RİA Novosti-yə müsahibəsində Rusiya Federasiyası Dövlət Dumasının İdman Komitəsinin sədri Dmitri Svişşov çıxış edib.
Dmanın Bədən Tərbiyəsi və İdman Komitəsinin sədri Dmitri Svişşev
© Sputnik / Павел Бедняков
Xatırladaq ki, Parisin meri Ann Hidalqo yarışlara ev sahibliyi etmək üçün çayın təhlükəsiz olduğunu sübut etmək üçün Çərşənbə günü Oyunlardan əvvəl Sena çayında üzüb. Olimpiadanın təşkilat komitəsinin rəhbəri Toni Estanqe və paytaxt regionunun prefekti Mark Qiyom da üzgüçülükdə iştirak ediblər.
Beynəlxalq Olimpiya Komitəsi (BOK) bir sıra meyarlara uyğun olaraq rusiyalıların Oyunlarda iştirakına icazə verib. Parisdə onlar neytral statusda çıxış edə biləcəklər, lakin onların lazımi meyarlara uyğunluğu üç nəfərdən ibarət xüsusi BOK komissiyası tərəfindən qiymətləndirilib. Beş idman növünü təmsil edən yalnız 15 rusiyalının Oyunlarda iştirakına icazə verilib.
“Bu Olimpiya Oyunları ümumiyyətlə, Beynəlxalq Olimpiya Komitəsinin Rusiya və Belarusa münasibəti nöqteyi-nəzərindən heyrətamiz olacaq. Təşkilat komitəsinin və yarışa ev sahibliyi edən ölkənin hazırlığı baxımından heyrətamizdir. Təşkilat komitəsi Oyunların ekologiya əlaməti altında keçiriləcəyini desə də, bunun üçün heç bir iş görülməyib. Onlar Sena çayını təmizləməyə söz verdilər, amma etmədilər və havanın çirklənməsi kritik səviyyədədir", - Duma nümayəndəsi bildirib.
Parlamentari həmçinin bildirib ki, Fransa daxili münaqişələrlə parçalanıb, tətillər, toqquşmalar var, Fransanın çoxlu sayda daxili problemləri var.
"Fransa onların öhdəsindən gələ bilmir və o, həm də Olimpiya Oyunlarına ev sahibliyi edir. Təbii ki, bütün bunlar müəyyən iz buraxır”, - Svişşev bildirib.
Qeyd edək ki, Paris Yay Olimpya Oyunları iyulun 26-dan avqustun 11-dək keçiriləcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.