BAKI, 15 iyul — Sputnik. Kreml Macarıstanın baş naziri Viktor Orbanın Avropa İttifaqı liderlərinə göndərdiyi Ukrayna münaqişəsinin həlli təklifinin detallarını bilmir. Bunu Rusiya prezidentinin mətbuat katibi Dmitri Peskov bildirib.
"Əlbəttə, biz Avropa İttifaqı daxilində daxili yazışmalarda nədən danışıldığını bilmirik, ona görə də ola bilsin ki, bizim xəbərimiz olmayan bəzi nüanslar var. Cənab Orbanın yanaşması bizə məlumdur" - Peskov jurnalistlərə bildirib.
Macarıstanın baş nazirilik aparatının siyasi direktoru Balazs Orban daha əvvəl bildirmişdi ki, Macarıstanın baş naziri Viktor Orbanın vəziyyətin real qiymətləndirilməsinə, real məqsədlərə və müddətlərə əsaslanaraq Ukraynadakı münaqişənin həllinə dair sülh planı müzakirələr masasındadır.
Xatırladaq ki, bu il iyulun 2-də Macarıstanın Baş naziri son on iki ildə ilk dəfə Kiyevə səfər edib. İyulun 1-dən etibarən Macarıstan yarım il ərzində Avropa İttifaqı Şurasına sədrlik edir. Orbanın mətbuat katibi bildirib ki, o, Kiyevdə Zelenski ilə sülhün bərqərar olunması və ikitərəfli münasibətlərin aktual məsələlərini müzakirə edib. Macarıstan Baş naziri Viktor Orban deyib ki, Kiyev və Moskvaya səfərlərdən sonra başa düşüb ki, tərəflərin mövqeləri bir-birindən çox uzaqdır. Macarıstanın baş naziri əlavə edib ki, o, Rusiya Prezidenti Vladimir Putinin Ukraynada atəşkəs və sülh danışıqlarının perspektivləri və onların hansı qaydada getməli olduğu barədə fikirlərini öyrənib.
08.07.24, 12:31
Macarıstanın Ukrayna ilə bağlı sülh planı yoxdur - Quyaş
Macarıstanın Ukrayna ilə bağlı sülh planı yoxdur, bu planı münaqişə tərəfləri ilə birlikdə hazırlamaq lazımdır, lakin Budapeşt əmindir ki, ilk növbədə atəşkəs lazımdır. Bunu Macarıstanın Baş Naziri Aparatının rəhbəri Qerqey Quyaş deyib.
"Bizim konkret sülh planımız yoxdur. Əminik ki, onu yalnız münaqişə tərəfləri ilə birlikdə hazırlamaq olar. Lakin biz həm də əminik ki, dialoq atəşkəs tələb edir, çünki bundan öncə effektiv danışıqlar aparmaq qeyri-realdır", - Quyaş hökumət brifinqində bildirib.
Xatırladaq ki, bu il iyulun 2-də Macarıstanın Baş naziri son on iki ildə ilk dəfə Kiyevə səfər edib. İyulun 1-dən etibarən Macarıstan yarım il ərzində Avropa İttifaqı Şurasına sədrlik edir. Orbanın mətbuat katibi bildirib ki, o, Kiyevdə Zelenski ilə sülhün bərqərar olunması və ikitərəfli münasibətlərin aktual məsələlərini müzakirə edib.
Macarıstan Baş naziri Viktor Orban deyib ki, Kiyev və Moskvaya səfərlərdən sonra başa düşüb ki, tərəflərin mövqeləri bir-birindən çox uzaqdır.
Macarıstanın baş naziri əlavə edib ki, o, Rusiya Prezidenti Vladimir Putinin Ukraynada atəşkəs və sülh danışıqlarının perspektivləri və onların hansı qaydada getməli olduğu barədə fikirlərini öyrənib.
"Sülh öz-özünə gəlməyəcək, bunun üçün çalışmaq lazımdır. Putinin üç mühüm məsələ (hazırda mövcud olan sülh təşəbbüsləri, atəşkəs və sülh danışıqları barədə düşüncələri, sülh danışıqları hansı ardıcıllıqla aparıla bilər) ilə bağlı fikirlərini eşitdim. Mən müharibədən sonra Avropanın vizyonu idim. Açıq və dürüst söhbətə görə Putinə minnətdaram", - deyə Orban bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.