BAKI, 14 iyul - Sputnik. Trampın Ukrayna məsələsində mövqeyi təcavüz aktına səbəb ola bilərdi. Belə bir açıqlama ilə Rusiya Dövlət Dumasının spikeri Vyaçeslav Volodin ABŞ-ın keçmiş prezidenti Donald Trampa sui-qəsd cəhdini şərh edib.
“Trampın Ukrayna məsələsində mövqeyi təcavüz aktına səbəb ola bilərdi. İndiki mərhələdə bunu tamamilə istisna etmək olmaz. Tramp hərbi əməliyyatlara sponsorluq etməyi dayandırmağın zəruriliyindən açıq şəkildə danışan azsaylı Qərb siyasətçilərindən biridir”, - o, Telegram kanalında yazıb.
Volodin onu da qeyd edib ki, bu versiyanı Slovakiyanın baş naziri Robert Fikoya qarşı son hücum da təsdiqləyir.
"O, daha əvvəl bildirmişdi ki, Qərb Rusiyaya qarşı mübarizədə Ukraynadan geosiyasi məqsədlər üçün istifadə edir”, - deyə Volodin əlavə edib.
Dövlət Dumasının sədri hesab edir ki, Birləşmiş Ştatlar çoxillik siyasəti ilə sözün əsl mənasında vətəndaş müharibəsi astanasında olmasına nail olub.
Rusiya Federasiyası Dövlət Dumasının spikeri Vyaçeslav Volodin
© Sputnik / Пресс-служба Госдумы РФ
/ Volodinin fikrincə, Trampa sui-qəsdin arxasında ABŞ siyasi sistemində böhran və cəmiyyətdə parçalanma dayanır.
Donald Tramp atışma üzündən şənbə günü Pensilvaniya ştatında ictimaiyyət qarşısında çıxışını dayandırıb. Videoda siyasətçinin qulağının qan içində mühafizə tərəfindən necə aparıldığı əks olunub. Tramp daha sonra qulağından vurulduğunu və çoxlu qan itirdiyini bildirib.
ABŞ Məxfi Xidməti səhnəyə doğru bir neçə dəfə atəş açan şübhəlini öldürdüyünü bildirib. Atışma zamanı bir tamaşaçı həlak olub, iki nəfər isə ağır yaralanıb.
Yerli media yazır ki, şübhəli şəxs aksiyanın keçirildiyi ştatın Pensilvaniya ştatından olan 20 yaşlı Tomas Metyu Kruksdur. Onun səhnədən təxminən 100 metr aralıda - tədbirin keçirildiyi ərazidən kənarda istehsalat binasının damında gizləndiyi bildirilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.