BAKI, 13 iyul — Sputnik. 2024-cü ilin iyun ayı meteoroloji müşahidələr tarixində ən isti ay olub.
Bunu Rusiya Hidrometeorologiya Mərkəzinin elmi direktoru Roman Vilfand bildirib.
"İyun Şimal yarımkürəsi və bütövlükdə Yer üçün meteoroloji müşahidələr tarixində ən isti oldu. Ötən ayın temperaturu rekord yeniləyib" - o, "RİA Novosti"yə şərhində qeyd edib.
Əvvəllər bildirilmişdi ki, anomal istilər El Nino (ekvatorial Sakit okeanda suyun səth qatının temperaturunda dalğalanmalar) kimi tanınan təbiət hadisəsinin hava şəraitinə təsirinin nəticəsidir.
Vilfandın sözlərinə görə, "El Nino sona çatır və neytral fazaya keçir, lakin onun təsirləri qlobal temperaturlara təsir etməyə davam edəcək".
Daha əvvəl həkim Sergey Çudakov meteohəssas insanların hava şəraitinin və maqnit sahələrinin dəyişməsi zamanı sağlamlıqlarının pisləşməsinin qarşısını almaqdan ötrü tədbirlər görmələrinin vacib olduğunu bildirmişdi.