BAKI, 13 iyul — Sputnik. Şimali Atlantika Alyansı planetin istənilən yerində güc tətbiq etmək hüququnu bəyan edir.
Bunu Rusiyanın ABŞ-dakı səfiri Anatoli Antonov NATO sammitinin nəticələri barədə danışarkən deyib.
Onun sözlərinə görə, alyans həm demokratiya maraqları, həm də terrorizmlə mübarizə bəhanəsi ilə güc tətbiq etmək hüququnu bəyan edir.
"Qızıl milyard" dövlətləri onları sıxışdırmaq və dünyanın bütün regionlarından şirə çəkmək istəyirlər. Şimali Atlantika Alyansı neokolonial nizamların yaradılması naminə, əslində planetin istənilən yerində güc tətbiq etmək hüququnu bəyan edir. İstər demokratiyanın ixracı, istər insan haqlarının qorunması, istərsə də terrorizmlə mübarizə bəhanəsi ilə" - Antonov bildirib.
Diplomat qeyd edib ki, Şimali Atlantika Alyansının sammitində Ukraynadakı münaqişənin həlli lehinə səslənən "ayıq düşüncələr" rusofob ritorika ilə "tıxanıblar".
Antonov jurnalistlərlə görüşü zamanı deyib: "Şahinlər" özlərindən başqa heç kimi dinləmək və ya eşitmək istəmirlər və görünür, buna qadir deyillər".
Bundan əvvəl Şimali Atlantika Alyansının Vaşinqtonda keçirilən sammitində 20-dən çox dövlətin "Ukrayna müqaviləsi"ni imzaladığı bildirilirdi.