BAKI, 9 iyul — Sputnik. Qərb ölkələri Çini Rusiya ilə Ukrayna arasındakı münaqişənin həllinə qarışmamaqda ittiham etməyə cəhd göstərirlər və bununla da sülh yolu ilə həllin tapılması məsuliyyətini Pekinə həvalə edirlər.
Bu barədə Rusiya mediası "China Daily" nəşrinə istinadən xəbər verib.
Məqalədə NATO-nun şərqə doğru genişlənməsi nümunəsi olan Qərbin Rusiyaya qarşı "uzun müddətdir ki, sayğısızlığı" göstərilir. Nəşrin müəlliflərinin fikrincə, bu, münaqişəni daha da alovlandırır.
"Buna görə də Çini həll yolunu tapmaq üçün problemə müdaxilə etməməkdə ittiham etmək təxribatçı bir taktikadır", materialda deyilir.
Nəşr əlavə edir ki, ABŞ Rusiya və Ukrayna arasında hərbi qarşıdurmadan faydalanır, çünki Vaşinqtonun vəzifəsi Moskvanı zəiflətməkdir. Qeyd edilir ki, ABŞ-ın hərəkətləri ucbatından Kiyev siyasətçiləri "piyada"ya çevrilib, Ağ Ev isə onlardan öz maraqları üçün istifadə edir.
Macarıstanın Baş naziri Viktor Orban bu yaxınlarda deyib ki, ABŞ, Çin və Avropa İttifaqı (Aİ) Ukrayna münaqişəsinin sona çatmasına həlledici təsir göstərir, lakin bunu qarşıdurma tərəfləri həll etməlidirlər.
Bu yaxınlarda Rusiyanın xarici işlər naziri Sergey Lavrov bildirib ki, Rusiya ilə silahlı qarşıdurma Ukrayna xalqının maraqlarına uyğun deyil və bu, yalnız Qərbə və hakimiyyətdən bütün gücü ilə yapışan cinayətkar Kiyev rejiminə lazımdır. Diplomat qeyd edib ki, Ukraynanı xüsusi hərbi əməliyyatları (XHƏ) davam etdirməyə sövq edən Qərbdir, Kiyevin tərəfdaşları isə münaqişənin sülh yolu ilə həllinə mane olurlar.