BAKI, 4 iyul — Sputnik. Qırğızıstan prezidenti Sadır Japarov iyulun 5-6-da Azərbaycanda səfərdə olacaq və Türk Dövlətləri Təşkilatının (OTT) qeyri-rəsmi sammitində iştirak edəcək. Bu barədə Qırğızıstan prezidentinin mətbuat xidməti məlumat yayıb.
Onun sözlərinə görə, Japarov Türk Dövlətləri Təşkilatına üzv olan dövlət başçılarının qeyri-rəsmi sammitində də iştirak edəcək. Bildirilib ki, qeyri-rəsmi sammitdə nəqliyyat və iqlim fəaliyyəti ilə davamlı gələcəyin təmin edilməsi ilə bağlı müzakirələr aparılacaq.
"Tərəflər təbii fəlakətlər, iqlim dəyişikliyi nəticəsində yaranan fəlakətlərə qarşı kollektiv cavab tədbirlərini, həmçinin TDT-yə üzv ölkələrin nəqliyyat əlaqələrinin gücləndirilməsini müzakirə edəcəklər", - məlumatda bildirilib.
O əlavə edib ki, sammitdə Azərbaycan, Qazaxıstan, Özbəkistan prezidentləri, Türkiyə və Macarıstan hökumət başçıları da iştirak edəcəklər.