BAKI, 3 iyul — Sputnik. "Bakubus" MMC Koroğlu NMM-Mərdəkan istiqamətində yeni marşrut xəti istifadəyə verib.
Sputnik Azərbaycan-ın xəbərinə görə, "Bakubus" MMC sosial şəbəkə hesabında bununla bağlı paylaşım edib.
Bildirilir ki, 140 E nömrəli müntəzəm marşrut xətti Koroğlu NMM-Mərdəkan istiqamətində hər gün səhər saat 6:30-dan sərnişindaşımaya başlayacaq. Saat 21:00-da isə Koroğlu NMM-Mərdəkan istiqamətinə son sərnişindaşıma həyata keçiriləcək.
Xəttin uzunluğu 21,6 km-dir. Gediş haqqı isə 80 qəpik müəyyənləşib. Avtobuslar 10 dəqiqə intervalla hərəkət edəcək. Səfər müddəti isə 120 dəqiqədir.