BAKI, 29 iyun — Sputnik. İyunun 29-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəliblər. Bu gün, həmçinin tarixə düşən hadisələr də baş verib.
İyunun 29-da kimlə anadan olub?
Antuan de Sent-Ekzüperi (1900 - 1944) - Fransız yazıçısı, jurnalisti, şairi, ssenaristi və peşəkar pilotu. O, bütün dünyada ən məşhur əsər olan "Balaca Şahzadə" əsərini yazıb.
Antuan de Sent-Ekzüperi
© AP Photo
Soso Pavliaşvili (1964) - gürcü və rus estrada müğənnisi və bəstəkarı.
Uill Kemp (1977) ingilis aktyoru və rəqqasıdır, daha çox "İrəli ddım 2: Küçələr" filmindəki direktor Bleyk Kollins rolu ilə məşhurdur.
Nikol Şerzinqer (1978) – ABŞ-dan olan pop/R&B müğənnisi, rəqqasə, mahnı müəllifi, aktrisa və fotomodel, daha çox "The Pussycat Dolls" qrupunun solisti kimi tanınır.
Nikol Şerzinqer
© AP Photo / Joel C Ryan/Invision
29 iyun tarixində dünyada baş verən tarixi hadisələr
1613-cü ildə Londondakı "Qlobus" teatrı yanıb.
1855-ci ildə Londonda "The Daily Telegraph"ın ilk nömrəsi nəşr olunub.
1916-cı ildə ABŞ təyyarə istehsalçısı "Boinq" tərəfindən istehsal edilən təyyarənin ilk uçuşu baş tutub.
1964-cü ildə ABŞ-dan olan ixtiraçı Robert Adler televizorlar üçün pult yaradıb.
1995-ci ildə Seulda "Sampoong" supermarketinin çökməsi nəticəsində 502 nəfər həlak olub.
2007-ci ildə ilk iPhone ABŞ-da satışa çıxarılıb.