BAKI, 29 iyun — Sputnik. Rusiyanın ABŞ-dakı səfiri Anatoli Antonov bildirib ki, ABŞ hakimiyyəti Rusiya Federasiyası ərazisində müxtəlif etnik qrupların və dinlərin nümayəndələri arasında nifaq salmağa çalışır. Bu barədə Rusiyanın Vaşinqtondakı səfirliyinin Telegram kanalında məlumat verilib.
Antonov qeyd edib ki, Moskva ona qarşı ölkədə dinlərarası harmoniyanın olmaması ilə bağlı ittihamları qəbuledilməz hesab edir.
"ABŞ administrasiyasının dini azadlıqlarla bağlı güman edilən narahatlığının nəyə gətirib çıxardığını hər kəs bilir. ABŞ-ın Yaxın Şərqdə, Şimali Afrikada və keçmiş Yuqoslaviyada törətdiyi dinlərarası gərginlik bunun acı təsdiqidir", - diplomat vurğulayıb.
Səfir əlavə edib ki, ABŞ Rusiya Federasiyasına qarşı bu cür ittihamlar irəli sürməklə ikiüzlülük nümayiş etdirir, lakin Ukrayna hakimiyyəti tərəfindən Ukrayna Pravoslav Kilsəsinə qarşı təqiblərə məhəl qoymur.
Bundan əlavə, o, ABŞ-ın özündə də problemlərə işarə edib. Beləliklə, ölkə antisemitizm və islamofobiya, eləcə də ənənəvi ailə və dini dəyərlərin zərərinə liberal gündəmin təbliği kimi aktual problemlə üzləşir.
Bundan əvvəl Antonov ABŞ hakimiyyətinin beynəlxalq terrorizmin tərəfində olduğunu bildirib. Ukrayna Silahlı Qüvvələrinin ABŞ ATACMS raketlərindən istifadə edərək Sevastopolu atəşə tutması bunu sübut edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.