BAKI, 29 iyun - Sputnik. İranda növbədənkənar prezident seçkilərində namizədlərin heç biri 50% səs toplaya bilməyib, prezident seçkilərinin ikinci turu iyulun 5-də keçiriləcək Bu barədə RİA Novosti ölkənin seçki komissiyasının sözçüsü Möhsün Eslamiyə istinadən xəbər verib.
“Namizədlərdən heç biri səs çoxluğunu toplaya bilmədiyinə görə, qanuna əsasən, seçkilərin ikinci turu keçiriləcək... (hansı ki - red.) cümə günü - 5 iyulda bütün ölkə üzrə keçiriləcək", - İRNA agentliyi Eslamiyə istinadən xəbər verir.
Agentliyin məlumatına görə, İranın 482 bölgəsində 58 mindən çox seçki məntəqəsində verilən 24,5 milyondan çox səs hesablanıb.
Birinci turun nəticələrinə görə, islahatçı Məsud Pezeşkian 10,4 milyondan çox səs toplayaraq öndədir. Onun əsas rəqibi, mühafizəkar namizəd Səid Cəlili bir milyona yaxın seçici ilə irəlidədir - 9,4 milyondan çox insan ona səs verib.
İlk üçlüyü 3,3 milyondan çox səslə Məhəmməd Bağer Qalibaf qapayır. Mostafa Pourmohammadi prezidentlik uğrunda mübarizədə sonuncu yerdədir: o, 206 mindən çox səs toplayıb.
İranda prezident ali lider Ayətullah Əli Xameneidən sonra ölkədə ikinci ən güclü siyasətçidir. Prezidentin vəzifələrinə konstitusiyanın müddəalarını həyata keçirmək və icra hakimiyyətinə rəhbərlik etmək daxildir.
İranın xarici siyasətinin ümumi istiqaməti yeni prezidentdən asılı olacaq. İranda prezident seçkilərində qalib gəlmək üçün namizədin 50%-dən çox səs toplaması lazımdır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.