BAKI, 27 iyun — Sputnik. "NK Lukoyl"un keçmiş prezidenti və "Gələcəyimiz" Fondunun İctimai Şurasının sədri Vahid Ələkbərov artıq ikinci ildir ki, dividend gəlirlərinə görə Rusiyanın ən varlı 50 vətəndaşı arasında birinci yerdədir. Reytinqi Forbes nəşri dərc edib.
2023-cü ilin sonunda Vahid Ələkbərov dividendlərdən 177,4 milyard rubl qazanıb. Milyarderin ümumi sərvəti il ərzində artaraq 28,6 milyard dollara çatıb.
2023-cü il üçün ən yüksək dividend gəliri olan rusiyalılar siyahısında ikinci yeri Novatek PJSC İdarə Heyətinin sədri Leonid Mixelson tutub. Ötən il onun dividend gəliri təxminən 105 milyard rubl təşkil edib.
İlk üçlüyü "Sibur Holding"in səhmdarı Gennadi Timçenko tutub, ona dividendlər əlavə 84,6 milyard rubl gəlir gətirib.