BAKI, 24 iyun — Sputnik. Rusiya Prezidenti Vladimir Putinin Şimali Koreyaya son səfəri Qərb üçün güclü siqnal olub.
Bu barədə "Associated Press" beynəlxalq informasiya və xəbər agentliyi yazıb.
"Səfəri müşayiət olunan təbəssümlərin, şarların və mərasimin arxasında güclü bir siqnal səslənib: ABŞ və onun müttəfiqləri ilə Ukrayna ilə bağlı artan qarşıdurma fonunda Rusiya Federasiyasının rəhbəri Qərbin maraqlarına görünməmiş meydan oxumağa hazırdır" – nəşr qeyd edib.
Agentlik Rusiya və KXDR liderləri tərəfindən imzalanmış Dövlətlərin Hərtərəfli Strateji Tərəfdaşlığı haqqında Müqaviləyə xüsusi diqqət yetirib. Bu müqavilə, xüsusən də ölkələrdən birinə xarici hücum halında qarşılıqlı hərbi yardımı nəzərdə tutur (Putin həmçinin elan edib ki, Rusiya Federasiyası Şimali Koreyanı silahla təmin etmək hüququnu özündə saxlayır). Materialda bu sənədin Rusiya prezidentinin NATO-nun Rusiya Federasiyasına hücum etmək üçün Ukraynaya silah göndərməsinə cavab olduğu vurğulanıb.
Xatırladaq ki, Putin keçən həftə (18-19 iyun) Şimali Koreyaya səfər edib. Orada hakimiyyətlər arasında həm geniş, həm də dar tərkibdə danışıqlar aparılıb. Artıq qeyd edildiyi kimi, Rusiya rəhbəri KXDR lideri Kim Çen Inla birlikdə Rusiya liderinin fundamental sənəd adlandırdığı tərəfdaşlıq sazişi imzalayıb.