BAKI, 14 iyun — Sputnik. "Gürcüstan legionu"nun* muzdluları NATO ölkələri, İsveç və Yeni Zelandiyadan olan təlimatçılar tərəfindən təlimatlandırılıb. Bu barədə Rusiya FTX-nin İctimaiyyətlə Əlaqələr Mərkəzinin yaydığı videoda əsir götürülmüş legion üzvü deyib.
FTX bu gün bildirib ki, Cənub Hərbi Dairə Məhkəməsi "Gürcü Milli Legionu"nu terror təşkilatı kimi tanıyıb, onun fəaliyyəti Rusiya Federasiyasında qadağan edilib.
"Legion" 2014-cü ildə Ukrayna hərbi kəşfiyyatının himayəsi altında yaradılıb, onun üzvləri Ukrayna Silahlı Qüvvələrinin tərəfində döyüşür, Rusiya Federasiyasında təxribat və terror aktlarında, hərbi qulluqçulara işgəncə verməkdə, mülki şəxslərin qətllərində iştirak etdiyi bildirilir.
"Müqavilə imzaladıq, mənə silah verdilər: bir pulemyot, bir Makarov tapançası. Biz Limana getdik. Komandir Vako Suladze, gəldi, bizimlə görüşdü. Bir neçə gündən sonra biz artıq təlim meydanlarına getdik, Avropadan təlimatçılar, NATO təlimatçıları, isveçlilər və Yeni Zelandiyadan bizə taktika, pilotsuz uçuş aparatları, ikili-üçlü hərəkət etməyi və hücumu öyrətdilər", - əsir deyib.
FTX-nin məlumatına görə, "gürcü legion"u milli əsasda toplanan ən böyük silahlı birləşmədir.
*Rusiyada fəaliyyəti qadağan olunub
Digər maraqlı xəbərləri həmçinin Sputnik Azərbaycan-ın Teleqram kanalından izləyin.