BAKI, 13 iyun — Sputnik. Robert Koçaryan və katolikos II Qareginin rəhbərlik etdiyi hərəkat polis əməkdaşlarına hücumu təqdir edir. Bunu Ermənistanın baş naziri Nikol Paşinyan 2023-cü il dövlət büdcəsinin icrasına dair hesabatın müzakirəsi zamanı və dünən parlament binası yaxınlığında keçirilən etiraz aksiyaları kontekstində səsləndirilib.
O əlavə edib ki, ruhanilərdən birinin “hücuma təhrik etməsi” çox üzücüdür.
“Yepiskop rütbəsindəki bir adam polisi təhlükədə olmadıqlarına inandıraraq dəbilqələrini çıxarmağa çağırdı, lakin tezliklə onlara daş atmağa başladılar” - o, 18 polis əməkdaşı və 83 mülki şəxsin yaralandığı hadisələrdən danışıb.
Baş nazir qeyd edib ki, etirazçılardan biri yerdəki səs qumbarasını götürərkən üç barmağını itirib. Paşinyan vurğulayıb ki, əgər o, bunu etməsəydi, bu cür xəsarətlərin qarşısını almaq olardı.
O, həmçinin polisin hərəkətlərinin qanunauyğun olduğunu və dövlətçiliyin və suverenliyin qorunması üçün bundan sonra da oxşar tədbirlərin görüləcəyini bildirib. Paşinyan vurğulayıb ki, hökumət qayğıkeş olmalıdır, lakin zəif olmamalıdır.
O, həbsxanalarda olduğu müddətdə məhbuslardan mərhəmət və göz yaşlarına səbəb olan çoxlu hekayələr eşitdiyini bildirib. Lakin onun fikrincə, göz yaşı tökmək və dövlət qurmaq arasında seçim etməlisən.
Daha əvvəl Ermənistan Səhiyyə Nazirliyi parlamentin yaxınlığında baş verən dünənki insident zamanı 17 polis əməkdaşı olmaqla 101 nəfərin xəsarət aldığını bildirib.
Polis etirazçıları dağıtmaq üçün səs qumbaralarından istifadə edib. İstintaq Komitəsi kütləvi iğtişaşların təşkili maddəsi ilə cinayət işi başladıb.