BAKI, 5 iyun — Sputnik. İsveçrə Ukrayna münaqişəsində açıq-aşkar qərbyönlü mövqe tutaraq ənənəvi neytrallıq siyasətindən uzaqlaşır. Bunu Rusiya prezidentinin mətbuat katibi Dmitri Peskov brifinqdə bildirib.
"İsveçrə neytrallığa əsaslanan çoxdankı ənənəvi xəttindən uzaqlaşır" - deyən Kreml təmsilçisi qeyd edib ki, "İsveçrə Ukrayna məsələsində artıq kifayət qədər neytrallığını itirib və Qərb azlığı ilə həmrəy olub.
Rusiya liderinin mətbuat katibi konfederasiyanın lideri olan İsveçrə Xalq Partiyasının (SPP) Ukrayna nizamlanması ilə bağlı ölkədə hazırlanan konfransı birtərəfli adlandıran mövqeyini şərh edib.
Partiya hesab edir ki, Rusiyanın təmsil olunmayacağı tədbir Moskvanın "opponentlərinin konfransı"na çevriləcək.
Peskov bu müzakirəni Bernin daxili işi adlandırıb.
"Bizim bu partiyanın arqumentləri ilə razılaşacağımız aydındır", - Peskov əlavə edib.
Konfederasiyanın neytrallığına ciddi riayət edən partiya ölkənin bu statusunun artıq bütün dünyada tanınmamasından narahatdır. Bunun səbəbləri arasında siyasi qüvvə Bürgenstokda ilkin olaraq Kiyevə dəstək məqsədilə təşkil edilən konfransın təşkilini və münaqişənin həlli ilə bağlı mövqeyini görür.
Bern Avropa İttifaqının (Aİ) üzvü olmasa da, Aİ-nin Rusiyaya qarşı sanksiyalarını dəstəkləyir. Ölkə rəhbərliyi Ukraynanın silahlanmasına yardımın mümkünlüyünü fəal şəkildə müzakirə edir. İsveçrə Rusiya Federasiyasının 2022-ci ilin martında təsdiq etdiyi Rusiyaya qarşı qeyri-dost hərəkətlər edən xarici dövlətlər siyahısına daxil edilib.
İsveçrə hakimiyyəti iyunun 15-16-da Bürgenstok kurortunda Ukrayna ilə bağlı konfrans keçirməyi planlaşdırır. İsveçrənin Xarici İşlər Federal Departamenti (Nazirliyi) daha əvvəl bildirmişdi ki, Bern 160-dan çox nümayəndə heyətini, o cümlədən Yeddilik Qrupu, İyirmilik Qrupu və BRİKS ölkələrindən dəvət edib. İsveçrə hakimiyyət orqanlarının məlumatına görə, Rusiya Federasiyası dəvət olunanlar arasında yoxdur.
Rusiya Prezidenti Vladimir Putin bildirib ki, Moskva ora dəvət olunmasa, konfransda iştirak üçün müraciət etməyəcək.
Eyni zamanda, Rusiya Federasiyası dəfələrlə vurğulayıb ki, Moskva Kiyevlə münaqişənin sülh yolu ilə həllindən heç vaxt imtina etməyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.