BAKI, 30 may — Sputnik. Nəzəri cəhətdən Ukrayna böhranının siyasi həllini sürətləndirmək mümkündür, bunun üçün Qərb silah tədarükünü dayandırmalıdır. Bunu Rusiyanın xarici işlər naziri Sergey Lavrov "RİA Novosti" müsahibəsində deyib.
Ukrayna ətrafında vəziyyətin siyasi nizamlanması prosesini sürətləndirmək imkanının olub-olmaması ilə bağlı sualı cavablandıran nazir bildirib ki, nəzəri cəhətdən bu mümkündür.
"Bunun üçün Qərbin Ukraynaya silah verməsini dayandırması lazımdır, Kiyev isə hərbi əməliyyatları dayandırmalıdır" - Lavrov bildirib.
XİN rəhbəri deyib ki, Moskva Ukrayna üzrə danışıqlara açıqdır, lakin biz barışıqdan yox, sülhdən danışırıq:
"Düşmənə fürsət verməyin mənası yoxdur, o, bunu yenidən qruplaşmaq və yenidən silahlanmaq üçün istifadə edəcək".
2023-cü ilin noyabrın sonunda Vladimir Zelenskinin "Xalqın xidmətçisi" partiyasının Ali Radadakı fraksiyasının rəhbəri, Milli Təhlükəsizlik, Müdafiə və Kəşfiyyat Komitəsinin üzvü David Araxamia bildirib ki, 2022-ci ilin yazında Ukrayna hakimiyyəti ölkənin neytrallığına razı olsaydı, Ukraynada hərbi əməliyyatlar başa çatacaqdı. İstanbulda Rusiya tərəfi ilə danışıqlardan sonra Britaniyanın o zamankı baş naziri Boris Conson Kiyevi Rusiya Federasiyası ilə heç bir şey imzalamamağa və mübarizə aparmağa çağırıb.
Rəsmi Moskva dəfələrlə danışıqlara hazır olduğunu bildirsə də, Kiyev danışıqlara qanunvericilik səviyyəsində qadağa qoyub. Qərb Rusiyanı danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daim imtina etməsinə məhəl qoymur.
Əvvəllər Kreml bəyan edirdi ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur. Kremlin bəyan edir ki, de-fakto vəziyyət və yeni reallıqlar nəzərə alınarsa, Moskvanın bütün tələbləri qəbul olunarsa, Ukraynadakı vəziyyət dinc istiqamətə keçə bilər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.