BAKI, 30 may — Sputnik. Kiyevdə "müharibə tərəfi"nin hakimiyyətini nəzərə alaraq sülhə dair dialoqu təsəvvür etmək çətindir. Bunu Rusiyanın xarici işlər naziri Sergey Lavrov RİA Novosti agentliyinə müsahibəsində deyib.
"Müharibə partiyası Kiyevdə hakimiyyəti davam etdirir və o, Rusiyanı "döyüş meydanında" məğlub etməyə çalışır.
Nazir əlavə edib ki, 2022-ci il sentyabrın 30-dan Ukraynanın Rusiya ilə danışıqlara qanuni qadağası var.
"Vladimir Zelenskinin mayın 20-dən sonra Ukrayna prezidenti kimi səlahiyyət müddəti başa çatdıqdan sonra hüquqi statusuna gəlincə, Rusiya prezidenti Vladimir Putin mayın 24-də Minskdə keçirdiyi mətbuat konfransında bu məsələ ilə bağlı kifayət qədər aydın danışıb", – Lavrov xatırladıb.
Rusiya prezidenti Vladimir Putin mayın 24-də Rusiya-Belarus danışıqlarının yekunlarına əsasən bildirib ki, Rusiya Vladimir Zelenskinin legitimliyinin sona çatmasından çıxış edir:
"Ümid edək ki, gec-tez Ukraynada xalqın maraqlarını düşünən siyasi qüvvələr peyda olacaq, hələlik, məqsədlərinə nail olunana qədər xüsusi hərbi əməliyyatı davam etdirməkdən başqa çarə yoxdur".
Xatırladaq ki, Rusiya 2022-ci il fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.