Tarixdə bu gün: 28 may – FOTO

Firəngiz Əlizadə (1947) - Azərbaycanın xalq artisti, bəstəkar, pianoçu və AR Bəstəkarlar İttifaqının sədridir.

Yan Fleminq (1908-1964) - ingilis jurnalisti, hərbi-dəniz kəşfiyyatçı zabiti və yazıçıdır. O, Ceyms Bond xarakterinin yaradıcısı və romanlarının müəllifidir.

Andrey Panin (1962-2013) - Sovet və Rusiya teatr və kino aktyoru, kinorejissor, RF əməkdar artistidir. O, "Ana, narahat olma", "Çexov və Ko", "24 saat ", "Bağışlanma" və s. filmlərdə bir çox obrazları canlandırıb.

Kayli Minouq (1968) - avstraliyalı pop müğənnisi və aktrisasıdır. Mediada onu Avstraliya musiqi səhnəsinin "pop şahzadəsi" və "stil ikonu" adlandırırlar. Aktrisa "Qonşular", "Mulen Ruj" və bir çox filmlərdə müxtəlif rolları oynayıb.

Sergey Astaxov (1969) - Rusiya teatr və kino aktyorudur. O, Rusiyanın "Çayka" teatr mükafatı laureatıdır. Aktyor "Xoşbəxtlik quşu", "Turistlər", "Təsadüfi kadr" və s. filmlərdə rol alıb.

1742-ci ildə Londonda dünyanın ilk qapalı üzgüçülük hovuzu açılıb. Buraya xanımların girişi qadağan olduğu halda, cənablar üçün giriş pullu olub. Hovuzun ölçüsü kiçik olsa (cəmi 12 metr uzunluğunda) da, ilin istənilən vaxtında suyu təmiz və isti olub.

1918-ci ildə İslam Şərqində ilk parlamentli respublika olan Azərbaycan Xalq Cümhuriyyəti (AXC) elan edilib. O, Azərbaycan xalqının milli dövlətçiliyinin formalaşmasında mühüm rol oynayıb. AXC parlamentinin qəbul etdiyi İstiqlal Bəyannaməsi Azərbaycanın bütün xalqlarına bərabər hüquqlar verib. Cəmi 23 ay davam etdikdən sonra 1990-cı ildən Azərbaycanda 28 May Respublika Günü qeyd edilir və 2021-ci ildə bu tarix Müstəqillik Günü elan edilib.

1987-ci ildə 19 yaşlı qərbi alman həvəskar pilotu Matias Rust idman təyyarəsi ilə Moskvaya uçub və Qızıl Meydanda eniş edib. Pilot bir ildən az müddətdə həbsdə yatıb.

1995-ci ildə güclü zəlzələ nəticəsində Rusiyanın Nefteqorsk (Saxalinin şimalında) şəhəri dağılıb. Şəhərin 3197 əhalisindən 2040 nəfəri həlak olub, yüzlərlə insan yaralanıb.