BAKI, 28 may — Sputnik. Avropa İttifaqında partlayıcı maddələrin çatışmazlığı Kiyev rejimi üçün silah istehsalını ləngidir.
Bu fikri ekspertlər "The Economist" jurnalının müəllifləri ilə söhbətlərində bildiriblər.
Bu tendensiya Soyuq Müharibə bitdikdən sonra başlayıb. Sonra avropalı istehsalçılar tələbin azalması səbəbindən istehsalı əhəmiyyətli dərəcədə azaldıblar. Bəziləri isə bizneslərini tamamilə bağlayıb.
Polşanın şimalında böyük trotil istehsalı zavodu yerləşir. Bu, yalnız bu istehsalda ixtisaslaşan yeganə müəssisədir.
Bir sıra şirkətlər yüksək enerjili materiallar istehsal etməyə davam edir. Lakin Avropa ölkələrində onların sayı çox deyil.
Bu istiqamətdə istehsal gücünün genişləndirilməsi uzun müddət çəkir. Məsələn, sıfırdan belə bir zavodun tikintisi üç ildən yeddi ilədək davam edə bilər. Aİ-də qəbul edilmiş təhlükəsizlik və ətraf mühit qaydaları da çətinliklər yaradır. Üçüncü problem ixtisaslı işçi çatışmazlığıdır.
Əvvəllər bildirilmişdi ki, Finlandiyada təcili olaraq trotil istehsalı zavodunun tikintisi planlaşdırılır.