BAKI, 27 may — Sputnik. Rusiya Prezidenti Vladimir Putin Özbəkistan prezidenti Şavkat Mirziyoyev ilə danışıqlar aparacağı Kuksaroy Prezident Sarayında yerləşən iqamətgahına gəlib.
Rusiya Federasiyasının prezidenti bu gün Özbəkistanda dövlət səfərindədir. Mayın 27-si yüksək səviyyəli ikitərəfli danışıqlar baş tutacaq. Liderlərin məhdud tərkibdə danışacağı, daha sonra isə nümayəndə heyətinin iştirakı ilə danışıqları davam etdirəcəyi gözlənilir.
"Kuksaroy" (özbək dilindən tərcümədə "Yaşıl saray" kimi) Özbəkistan Prezidentinin digər dövlətlərin başçılarını və fəxri qonaqları qəbul etdiyi müasir ölkə iqamətgahıdır. Bu, bütöv bir bina kompleksidir, burada dövlət başçıları üçün iqamətgahlar, tədbirlər üçün mərasim zalları var.
Rəsmi görüş Prezident sarayının qarşısındakı pavilyonda baş tutub. Rusiya liderini Özbəkistan Prezidenti Şavkat Mirziyoyev qarşılayıb. Orkestr iki ölkənin himnlərini ifa edib.
Sonra liderlər Rusiya və Özbəkistanın rəsmi nümayəndə heyətlərinin hər bir üzvünü növbə ilə salamlayıblar. Prezidentlər mərasim boyu bir-biri ilə söhbət ediblər.
Mərasimin sonunda fəxri qarovul dəstəsi hər iki ölkənin rəhbərlərinin qarşısından keçib. Putin və Mirziyoyev birgə şəkil çəkdiriblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.