BAKI, 23 may — Sputnik. Avropa İttifaqı özünü ona həvalə edilmiş aktivləri oğurlamaq hüququna malik hesab edir və oğurluğu xarici siyasət alətinə çevirir.
Bu barədə Rusiyanın Aİ-dəki daimi nümayəndəliyinin saytında məlumat verilib.
"Oğurluq rəsmi olaraq Brüsselin xarici siyasətinin alətləri səviyyəsinə yüksəlib" - Daimi Nümayəndəlik Avropa İttifaqı Şurasının dondurulmuş Rusiya aktivlərindən əldə edilən gəlirlərin bir hissəsinin Ukraynaya köçürülməsi barədə qərarını şərh edərkən bildirib.
Avropa İttifaqının şüurlu şəkildə görünməmiş addım atdığı da vurğulanıb. Daimi nümayəndəlik əlavə edib ki, bu, "Avropa dəyərlərinin" nə olduğunun bariz nümunəsidir.
Mayın 21-də Çexiya xarici işlər naziri Yan Lipavski bəyan edib ki, Aİ Rusiya Mərkəzi Bankının dondurulmuş aktivlərindən əldə edilən gəlirlərin istifadəsinə icazə verib. O, dəqiqləşdirib ki, bu vəsaitin 90%-i Ukrayna ordusunu dəstəkləmək üçün ayrılacaq.
Həmçinin bildirilib ki, dondurulmuş Rusiya aktivlərinin Avropa banklarından yenidən investisiya edilməsindən əldə edilən gəlirin ilk ekspropriasiyası 2024-cü ilin iyulunda baş tutacaq.