BAKI, 21 may — Sputnik. Polşa hakimiyyəti Avropa İttifaqının yeni paktına baxmayaraq, miqrantları ölkəyə qəbul etməkdən və onlara sığınacaq verməkdən imtina edib. "RİA Novosti" bu barədə xəbər verib.
"Biz heç nə üçün pul ödəməyəcəyik, başqa istiqamətlərdən gələn heç bir miqrantı qəbul etməyəcəyik və Avropa İttifaqı bizə heç bir kvota qoymayacaq" - Polşanın baş naziri Donald Tusk bəyan edib.
Qeyd olunub ki, Varşavada 80 mindən çox qeyri-qanuni olaraq Avropa İttifaqına daxil olmaq cəhdi qeydə alınıb. Polşanın maliyyə naziri Anjey Domanskinin sözlərinə görə, Aİ-nin yeni paktında Belarusun yaxınlıqda yerləşməsi, yəni, Polşa tərəfinin fikrincə, miqrantların ölkəyə daxil olduğu yer nəzərə alınmayıb.
Sənədin özü miqrasiya yükünün Aİ-yə üzv ölkələr arasında bölüşdürülməsini tənzimləyir. Pakt, həmçinin Polşanın faydalandığı bir ssenarini də nəzərdə tutur. Bu halda miqrantlar üçün əlavə maddi təzminat - adambaşına 20 min avro verilməsi təklif edilir.
Bundan əvvəl Polşanın Baltik dənizində xüsusi taktiki təlimlərə başladığı bildirilirdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.