BAKI, 18 may — Sputnik. Rusiya alimləri xroniki yaraların müalicəsi üçün elektrik stimulyasiyasından istifadə edərək sağalmanı sürətləndirən sarğı yaradıblar. Bu üsul immun hüceyrələri iltihab yerinə cəlb edir, toxumaların oksigenlə doymasını yaxşılaşdırır və antibakterial təsir göstərir. "RT" Milli Texnologiya Təşəbbüsü Platformasına istinadən bu barədə xəbər verib.
Klinik və preklinik tədqiqatlar sürətlənmiş regenerasiya, toxuma nüfuzunun olmaması və sarğıdan istifadənin asanlığı səbəbindən istənilən mərhələdə bu müalicənin perspektivli nəticələrini göstərib.
Mütəxəssislərin fikrincə, son on ildə tədqiqatçılar yaraların sağalması üçün elektrik stimullaşdırılması mövzusunun öyrənilməsinə getdikcə daha çox maraq göstərirlər. Bununla yanaşı, ekspertlər əlavə ediblər ki, xəstələnmənin, məsələn, şəkərli diabet və piylənmənin mütərəqqi artması, əhalinin qocalması belə cihazların yaradılmasını aktuallaşdırır.
Qeyd olunub ki, bu gün belə inkişafların analoqu yoxdur. Cihaz hazırda prototip mərhələsindədir. Gələcəkdə layihənin sınaqları davam etdiriləcək. Patent almaq və "ağıllı" sarğını kütləvi istehsala buraxacaq zavodla danışıqlar aparmaq planlaşdırılır.
Daha əvvəl bildirilmişdi ki, Rusiya ürək xəstəliyi olan xəstələrin monitorinqi üçün proqram təminatı yaradıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.