BAKI, 14 may — Sputnik. Moskva Avropa və NATO-nun Rusiyaya qarşı kiberhücumlarla bağlı bütün ittihamlarını qəti şəkildə rədd edir.
Bu barədə çərşənbə axşamı Rusiya prezidentinin mətbuat katibi Dmitri Peskov bildirib.
Onun sözlərinə görə, bütün bu ittihamlar əsassızdır.
"Avropa paytaxtlarından gələn bu bəyanatların hər biri tamamilə əsassızdır və biz bütün bu deyilənləri qətiyyətlə rədd edirik" - Kreml nümayəndəsi vurğulayıb.
Bundan əvvəl Rusiyanın ABŞ-dakı səfiri Anatoli Antonov Moskvanın kiberhücumlarda iştirakı ilə bağlı bəyanatları Aİ tərəfindən qəsdən verilən verilən yalan məlumatlar adlandırıb.