BAKI, 13 may — Sputnik. Ukrayna Silahlı Qüvvələrinin Baş Qərargahı Rusiya qoşunlarının Xarkov istiqamətində taktiki uğur əldə etdiyini bəyan edib.
Bu barədə Ukrayna Baş Qərargahının "Telegram" kanalında məlumat verilib.
"Xarkov istiqamətində əməliyyat vəziyyəti mürəkkəb olaraq qalır və dinamik şəkildə dəyişir" - mesajda deyilir.
Hazırda Volçansk şəhəri uğrunda ağır döyüşlərin getdiyi dəqiqləşdirilir. Eyni zamanda, RF Silahlı Qüvvələri uğur qazandıqları üçün üstünlüklərə malikdir.
Bundan əvvəl Volçanska Rusiya Silahlı Qüvvələrinin onlarla ağır texnikasının yerləşdirildiyi bildirilirdi. Ukrayna Silahlı Qüvvələrinin 100-dən çox döyüşçüsü mövqelərini tərk edib, 20-yə yaxın adam isə təslim olub. Bu istiqamətdə hücumlar davam edir.