BAKI, 13 may — Sputnik. Rusiyada yaxın bir neçə ay ərzində "Səmərəli və rəqabətli iqtisadiyyat" adlı yeni milli layihənin yaradılması planlaşdırılır.
Bu barədə Rusiya Federasiyası baş nazirinin müavini vəzifəsinə namizəd Aleksandr Novak məlumat verib.
Onun sözlərinə görə, Rusiya lideri Vladimir Putinin səsləndirdiyi "Rusiyanın 2030-cu ilə qədər dünyanın dörd ən böyük iqtisadiyyatına qoşulması" vəzifəsi təkcə daxili iqtisadiyyatın və ÜDM-in artımı ilə deyil, həm də əhalinin və müəssisələrin gəlirlərinin artması ilə müşayiət olunmalıdır.
"Yeni iqtisadi artım modelini tətbiq etməli və ona doğru hərəkət etməliyik" – Novak fikrini bildirib.
Onun qeyd etdiyi kimi, təklif yönlü iqtisadiyyat ölkənin inkişafına, dayanıqlı və dinamik iqtisadiyyatın təmin olunmasına stimul yaradacaq. Alexander Novak vurğulayıb ki, yeni milli layihə üzərində aparılan işlərin fonunda Rusiya Federasiyası mövcud maliyyə alətlərini təkmilləşdirmək və regionları bu işə fəal şəkildə cəlb etmək niyyətindədir.
Bundan əvvəl ölkənin RF Nazirlər Kabinetinin rəhbəri vəzifəsini icra edən Mixail Mişustin bildirmişdi ki, Rusiyada rusiyalıların gəlir səviyyəsinin artırılmasını nəzərdə tutan iqtisadi artım modeli həyata keçirilməlidir.