BAKI, 12 may — Sputnik. Mayın 12-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Mayın 12-də kim anadan olub?
Səid Rüstəmov (1907-1983) - Azərbaycan SSR xalq artisti, bəstəkar və dirijordur. O, "Beş manatlıq gəlin", "Durna", "Rəisin arvadı" və başqa musiqili komediyaların müəllifidir.
Ayaz Mütəllibov (1938-2022) — Sovet və Azərbaycan siyasi və dövlət xadimi, Azərbaycan SSR Nazirlər Sovetinin sədri (1989-1990), Azərbaycan Kommunist Partiyası (KP) Mərkəzi Komitəsinin (MK) birinci katibi (1990-1991), Sov.İKP MK Siyasi Bürosunun üzvü (1990-1991), Azərbaycan SSR-nin ilk və yeganə prezidenti (1990-1991), Azərbaycanın birinci prezidentidir (1991-1992).
Ayaz Mütəllibov
© Sputnik / Murad Orujov
Ketrin Hepbern (1907-2003) - məşhur ABŞ kinoaktrisasıdır. O, 66 illik karyerası ərzində 44 bədii ("Güman et, şam yeməyinə kim gəlir?", "Aslan qışda" və s.), 8 televiziya filmində rol alıb və 33 teatr tamaşasında iştirak edib. Andrey Voznesenski (1933-2010) - Sovet və Rusiya şairi, publisist və bəstəkardır. O, "Mozaika", "Cazibə", "Mən əl çəkməyəcəyəm" kitablarının müəllifidir.
Ketrin Hepbern
© AP Photo
Rami Malek (1981) Misir əsilli ABŞ aktyorudur. O, "Cənab robot", "Muzeydə gecə", "Alatoran. Saqa: Sübh II hissə" filmlərində rol alıb. Aktyor "Qızıl Qlobus", "Ekran Aktyorları Gildiyası", "BAFTA" və "Oskar" mükafatları laureatıdır.
Rami Malek
© AP Photo / Charles Sykes
Alina Kabayeva (1983) - rusiyalı gimnast, ictimai və siyasi xadim, Rusiyanın əməkdar idman ustasıdır. O, 2014-cü ilin sentyabrından "Milli Media Qrupu" holdinqinin direktorlar şurasının sədridir və 2016-cı ildən isə "Sport-Express" ASC-nin Direktorlar Şurasına rəhbərlik edir. Kabayeva 2004-cü il fərdi çoxnövçülük üzrə Olimpiya çempionu və fərdi çoxnövçülük üzrə 2000-ci il Olimpiya Oyunlarının bürünc mükafatçısı, ikiqat dünya çempionu (1999 və 2003), beşqat Avropa çempionu (1998-2000, 2002, 2004) və altı qat Rusiya çempiondur (1999-2001) , 2004, 2006-2007).
Viktoriya Dayneko (1987) - rusiyalı müğənni və aktrisadır. O, "Ulduz fabriki-5" və "Ulduz fabriki. Qayıdış" musiqi istedad şousunun qalibidir.
12 May tarixində dünyada baş verən tarixi hadisələr
1974-cü ildə Beynəlxalq Tibb Bacıları Şurası (ICN) mayın 12-sini Tibb Bacıları Günü kimi qeyd etmək qərarına gəlib. Məhz bu gün mərhəmət bacıları xidmətinin yaradıcılarından biri olan Florens Naytinqeyl anadan olub.
1994-cü ildə Ermənistan və Azərbaycan arasında atəşkəs sazişi olan Bişkek protokolu qüvvəyə minib. Sənədə əsasən, tərəflər tezliklə beynəlxalq vasitəçilərin köməyi ilə "böyük sülh sazişi" imzalamalı idilər. Lakin bu, Ermənistanın qeyri-konstruktiv siyasəti ucbatından həyata keçirilməyib.
2009-cu ildə Azərbaycan Ali Məhkəməsinin yeni inzibati binasının təntənəli açılış mərasimi olub.
2010-cu ildə Rusiya üçün yüksək səviyyəli "rf" milli domeni istifadəyə verilib. Bu, internetdə kiril əlifbasında olan ilk domen olub.