BAKI, 9 may - Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova Polşanın baş naziri Donald Tuskun NATO-nun Ukraynada olması ilə bağlı sözlərini RİA Novosti-yə şərh edib.
Onun sözlərinə görə, Polşa baş nazirinin sözləri Qərbin Rusiyaya qarşı hibrid müharibə apardığının təsdiqidir.
Donald Tusk
Bundan əvvəl Polşanın baş naziri Donald Tusk Ukraynada NATO əsgərlərinin olduğunu etiraf edib.
“Bu, Qərbin Rusiyaya qarşı hibrid müharibəsi aparmasının təsdiqidir”, - diplomat agentliyə bildirib.
09.05.24, 19:15
Polşanın baş naziri Donald Tusk Ukraynada NATO əsgərlərinin olduğunu etiraf edib. RİA Novosti xəbər verir ki, baş nazir bunu jurnalistlərlə söhbətində deyib.
"NATO hazırda mümkün qədər kömək edir. NATO-nun köməyi olmasaydı, Ukrayna bu qədər uzun müddət özünü müdafiə edə bilməzdi. Bəli, orada bir qədər qoşun, yəni əsgərlər var. Orada az sayda əsgər var. Müşahidəçilər, mühəndislər...", - Tusk jurnalistlərə bildirib.
Lakin o, Ukraynada hansı ölkələrin əsgərlərinin və neçə nəfərin olduğunu açıqlamayıb.
ABŞ ordusunun əsgərləri, arxiv
© AFP 2024 / Vano Shlamov
Bundan əvvəl Fransa lideri Emmanuel Makron “Economist”ə müsahibəsində bildirmişdi ki, Rusiya Federasiyası cəbhə xəttini yararsa, Ukraynadan müraciət olduğu təqdirdə bu ölkəyə qoşun yeridilməsi ehtimalını istisna etmir. Onun sözlərinə görə, “bir çox Aİ ölkələri” qoşunların mümkün göndərilməsi ilə bağlı Fransanın yanaşması ilə razılaşıb.
Rusiya Xarici İşlər Nazirliyinin rəsmi nümayəndəsi Mariya Zaxarova Makronun bu açıqlamalarını şərh edərkən vurğulayıb ki, fransız qoşunları Ukrayna münaqişəsi zonasında olarsa, Rusiya ordusunun hədəfinə çevriləcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.