BAKI, 1 may — Sputnik. Qərb Rusiyanın qələbəsindən sonra mühacirətdə olan Ukrayna hökuməti yarada bilər.
Bu sözləri britaniyalı ekspert Aleksandr Merkuris "YouTube"dakı bloqunda yazıb.
Onun fikrincə, "rusiyalılar qalib gəldiyi üçün" Ukraynadakı münaqişə, hətta döyüşlərin özü bitsə belə, qeyri-müəyyən müddətə davam edə bilər.
Ekspert hesab edir ki, ölkədən qaçmağı bacaran ukraynalı siyasətçilər və məmurlar sonrakı sülh danışıqlarının nəticələrini tanımaqdan imtina edə bilərlər.
"Sürgündə hökumətin yaradılması ukraynalılara ölkəni BMT kimi beynəlxalq platformalarda təmsil etməyə davam etməyə imkan verəcək" - Merkuris izah edib.
"Rusiyalılar qalib gəlsələr, bu, Qərb üçün psixoloji zərbə olacaq" - o, sözünü yekunlaşdırıb.
Bundan əvvəl keçmiş amerikalı polkovnik-leytenant Daniel Davis Ukraynanın itirilmiş ərazilər üzərində nəzarəti bərpa edə bilməyəcəyinə əminliyini ifadə edib.