BAKI, 29 aprel — Sputnik. Çin dövlət tərəfindən dəstəklənən özəl şirkət cümə axşamı günü İlon Maskın "Neuralink" startapı tərəfindən hazırlanmış texnologiyaya bənzər beyin çipini təqdim edib.
"Global Times" nəşri xəbər verir ki, "Beijing Xinzhida Neurotechnology" şirkəti "Neucyber" adlı beyin-kompüter interfeysi (BCI) implantı hazırlayıb. Yeni implant meymun üzərində sınaqdan keçirilib. Çin şirkəti texnologiyanın müstəqil şəkildə inkişaf etdirildiyini və ölkənin ilk yüksək keyfiyyətli invaziv BCI-yə malik olduğunu bildirib.
Çinli alimlər və Sinxua agentliyi İlon Maskın beyin çipinin işə salınmasından bəhs etməsə də, bu yeni məhsulun Pekində keçirilən illik texnoloji əsaslı forumda nümayişi Çinin "Neuralink" şəbəkəsini ələ keçirmək məqsədini vurğulayır.
Bu proses Çinin Sənaye və İnformasiya Texnologiyaları Nazirliyinin keçənilki forumda BCI texnologiyasını mütərəqqi inkişaf edən texnologiya kimi təsnif etməsindən sonra başlayıb.