BAKI, 28 aprel — Sputnik. İlk yardım çantasında yod və yaşıl brilyant məhlulu əvəzinə daha yumşaq antiseptiklərin olması daha yaxşıdır: aptekdə satılan hidrogen peroksid və ya xüsusi tibbi antiseptik məhlulların olması məsləhətdir.
Bu barədə Rusiya mediası həkim-terapevt Yevgeni Tarasovun "Veçernaya Moskva"ya verdiyi açıqlamasına istinadən xəbər verir.
Terapevt bildirib ki, dəri zədələndikdə yaranı kirdən və bakteriyalardan ilıq axan su ilə yumaq, sonra isə zədələnmiş yerin üzərinə hidrogen peroksid və ya antiseptik məhlul tökmək lazımdır. Bundan sonra, güclü kəsilmiş yeri xüsusi tibbi yapışqan ilə bağlamaq olar.
Tarasovun fikrincə brilyant yaşıldan qaçmaq daha məsləhətlidir: bu məhlul antiseptik xüsusiyyətlərə malik olsa da, ciddi allergik reaksiyaya da səbəb ola bilər. Buna görə də, brilyant yaşılını istifadə etməzdən əvvəl, dərinin kiçik bir bölgəsində sınaq keçirtmək lazımdır.
Həkim əlavə edib ki, yodu açıq yaraya tətbiq etmək olmaz. Bu məhlul isə qıcıqlanmaya, dərinin yanmasına səbəb ola və sağalma prosesini ləngidə bilər. Məhz bu səbəbdən, yodla isladılmış pambığı yaraya tətbiq etmək məsləhət deyil.
Bu yaxınlarda Kurqanda bir uşaq dərisində antiseptiklə isladılmış pambığın uzun müddət qalması nəticəsində kimyəvi yanıq olub. Uşağın dərisində toxuma nekrozu inkişaf etdiyi üçün yanıq yerini iki dəfə əməliyyat edilməli olublar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.