BAKI, 27 aprel — Sputnik. Dərinin günəş şüalarından yanması onkodermatoloqa müraciət etmək üçün bir səbəbdir. Bunu həkim Andrey Pılev "Qovorit Moskva" (Danışır Moskva) radiostansiyasının efirində məlumat verib.
Açıq dərili, çoxlu sayda piqmenti (rəngli) və günəş şüalarından yanmaya meylli olan insanlar dəri xərçənginə daha çox meyllidirlər. Yaxın qohumları və ya valideynləri dəri xərçəngindən əziyyət çəkənlərdə isə risk daha da artır.
Pılev qeyd edib ki, xərçəng riski qrupundan olan xəstələr orqanizmlərini daha yaxından izləməlidirlər, əsasən də çoxlu sayda xalları varsa. Onlar mütəmadi olaraq müayinə üçün onkodermatoloqa müraciət etməlidirlər.
Yoxlama yalnız çılpaq gözlə deyil, həm də nevusu yüksək böyütmə ilə göstərən cihazın - optik dermatoskopun köməyi ilə həyata keçirilir. Hətta xalların rəqəmsal xəritəsini tərtib etmək də mümkündür, hansı ki, bundan sonra zamanla törəmənin vəziyyətini izləmək üçün istifadə edilə bilər.
Həkim limfa düyünlərinin böyüməsini, çəkinin itirilməsini, gecə tərləmələrini və davamlı hərarətin olmasını limfomanın əlaməti ola biləcəyini söyləyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.