BAKI, 19 aprel — Sputnik. İsrailə bildirdik ki, İran eskalasiyanı istəmir. Rusiya Federasiyası hesab edir ki, İsrail də bunu istəmir. Bunu Rusiyanın xarici işlər naziri Sergey Lavrov deyib.
"Rusiya və İran rəhbərliyi arasında, o cümlədən bizim diplomatik nümayəndəliklərimiz və israillilər arasında telefon əlaqəsi olub və gərginliyin artmasının istənilmədiyi bildirilib", Lavrov deyib.
Lavrov qeyd edib ki, bütün ekspertlər İranın zərbəsini aprelin əvvəlində konsulluğa edilmiş hücuma cavab kimi qiymətləndirib.
Rusiya XİN rəhbəri deyir ki, Qərb ölkələrinin İranın guya nüvə silahı əldə etmək istəyi barədə danışması dünya ictimaiyyətinin diqqətini Qəzza zolağında baş verənlərdən yeni məqsədə yönəltmək cəhdidir:
"Mənə elə gəlir ki,məqsəd dünya ictimaiyyətini humanitar fəlakətin yaşandığı və BMT İnsan Hüquqları Şurasının bir çox xüsusi məruzəçilərinin soyqırımdan danışdığı Qəzza zolağında baş verənlərdən diqqəti yayındırmaqdır. Bu isə İrana təhdiddir".
Nazirin sözlərinə görə, kollektiv Qərb ölkələri digər məsələlərlə yanaşı, nüvə silahından istifadə etməklə hücumu İrana aid etmək istəyirlər, lakin İranda bu yoxdur. "Bunu MAQATE təsdiq edir ki, İran Nüvə Silahlarının Yayılmaması Müqaviləsinin tərəfləri arasında ən təsdiqlənmiş ölkədir", - Lavrov izah edib.
"Fars" agentliyinin məlumatına görə, İranın mərkəzində yerləşən İsfahan əyalətində partlayış baş verib. Məlumata görə, partlayış vilayətin şimal-şərqində, İsfahan beynəlxalq hava limanı və ordunun hərbi hava qüvvələri bazası yaxınlığında baş verə bilərdi. Hadisənin səbəbləri müəyyənləşdirilir.
Bundan başqa İsfahan, Şiraz və Tehran şəhərləri üzərində uçuşlar dayandırılıb.
Qeyd edək ki, aprelin 13-də axşam İran İsrailə pilotsuz təyyarələr və raketlər ataraq, bunu "çoxsaylı cinayətlərə", o cümlədən İranın Dəməşqdəki səfirliyinin konsulluq bölməsinə edilən hücuma cavab adlandırıb. Tehran konsulluğun hücuma məruz qaldığı sırf hərbi obyektlərə hücum etdiyini vurğulayıb.