BAKI, 13 aprel — Sputnik. Rusiya Ukraynadakı münaqişədə İsveçdən olan muzdluların Ukrayna Silahlı Qüvvələrinin sıralarında iştirakından xəbərdardır.
Bunu İsveç Xarici İşlər Nazirliyinin sözçüsü Tumas Vaneskin Ukraynanın Stokholmdakı səfirliyi tərəfindən isveçliləri işə götürməsinin beynəlxalq hüquqa zidd olmadığı barədə bəyanatını şərh edən Rusiya Xarici İşlər Nazirliyi bildirib.
"İsveç Xarici İşlər Nazirliyinin bu cür "bəxt əsgərləri"ni yöndəmsiz şəkildə qanuniləşdirmək və bununla da faktiki olaraq daha çox İsveç vətəndaşını "qaynar zonaya" getməyə təhrik etmək cəhdləri Stokholmun öz vətəndaşlarının taleyinə tam biganəliyindən xəbər verir", – "RİA Novosti" agentliyi Rusiya Xarici İşlər Nazirliyinin bəyanatından sitat gətirib.
Diplomatik nümayəndəlik əlavə edib ki, Rusiya Müdafiə Nazirliyinin məlumatına görə, 90-dək isveçli Ukrayna Silahlı Qüvvələrinə qoşulub, onlardan 25-i artıq məhv edilib. Diplomatlar Ukraynada Rusiya ordusuna qarşı münaqişədə iştirak etməyi planlaşdıran hər kəsə bunu yadda saxlamağı tövsiyə ediblər.
Rusiya Xarici İşlər Nazirliyi əlavə edib ki, xarici ölkələrin hakimiyyət orqanları bunu bilməli və öz vətəndaşlarının taleyi üçün məsuliyyət daşımalıdırlar.
Bundan əvvəl Ukraynada İsrail ordusunun zabitinin öldürüldüyü məlum olub.