BAKI, 10 aprel - Sputnik. Rusiyanın Orenburq vilayətində su basmış yaşayış evlərinin sayı 12,8 minə çatıb, 14,9 min təsərrüfat sahəsi də su altında qalıb.
Regional hökumətin mətbuat xidmətinin yaydığı xəbərə görə, 7,7 min nəfər ərazidən təxliyə edilib.
"Təsərrüfatdan və şəxsi evlərdən 7703 nəfər, o cümlədən 1707 uşaq təxliyə edilib”, - məlumatda vurğulanıb.
Orenburqda bir gecədə 300-dən çox ev su altında qalıb
Rusiyanın Orenburq şəhərində bir gecədə 300-dən çox ev su altında qalıb, yaxın gələcəkdə daha 200-ə yaxın ev su altında qala bilər.
Bu barədə jurnalistlərə şəhər rəhbərinin birinci müavini Aleksey Kudinov məlumat verib.
“Bir gecədə 300-dən çox ev su altında qalıb. İndiyədək tərk etməyi qərarlaşdırmayan Orenburq sakinlərinə yardım göstərməkdə davam edirik. Beləliklə, cəmi bir gecədə on sakin təxliyə edilib. Su basan evlərin sayı həndəsi silsilə ilə artacaq. Yaxın gələcəkdə, proqnoz özünü doğrultsa, daha 200-ə yaxın fərdi ev su altında qalacaq”, – Kudinov bildirib.
O vurğulayıb ki, Orenburqda Ural çayının səviyyəsi bir gecədə təxminən 50 sm artaraq 965 sm-yə çatıb: “Hidroloqlar yaxın 24 saat ərzində 30-70 sm artım proqnozlaşdırırlar”.