Pul-kredit siyasətinin, xüsusən də pul resurslarının və investisiyaların çatışmazlığı şəraitində yumşaldılması müsbət addımdır.
Bunu Azərbaycan Texniki Universitetinin İnnovativ İqtisadi Tədqiqatlar Mərkəzinin rəhbəri, professor Elşad Məmmədov Sputnik Azərbaycan-a müsahibəsində qeyd edib.
İqtisadçı əminliklə bildirib ki, pul-kredit siyasətinin tənzimlənməsi və yumşaldılması mexanizmləri şaxələndirilməlidir. Bununla yanaşı, iqtisadiyyatın kreditləşdirilməsi üçün əlavə kanallara ehtiyac var.
"Mərkəzi Bankın investisiya siyasətinin maliyyələşdirilməsi üçün daha geniş bir sistem tətbiq etməsi lazımdır, çünki bank sektorunun rolu və vəzifəsi nəticədə pul yaratmaq və iqtisadiyyatın real, istehsal sektoruna ötürməkdir" - Məmmədov fikrini yekunlaşdırıb.