BAKI, 30 mart - Sputnik. Kiyevin meri Vitali Kliçko qardaşı Vladimirə 2,2 milyon avro və 150 min dollar borc verib. Bunu Ukraynanın Korrupsiyanın Qarşısının Alınması üzrə Milli Agentliyinin (KQMA) saytında dərc edilmiş 2023-cü il üçün gəlirləri haqqında hesabatın məlumatları sübut edir.
Mer bir milyon qrivnadan (təxminən 25,5 min dollar) çox gəlirini bəyan edib. Bəyanata görə, Kliçkonun bank hesablarında 338,5 min qrivna (8,6 min dollar), 35,8 min dollar və 3 avro var.
Kiyev merinin paytaxtda mənzili var. Eyni zamanda, o, qardaşının mənzilində qeydiyyatdadır. Onun Kiyev vilayətinin Lütej kəndində istirahət evi və torpaq sahəsi var. Bundan əlavə, Kliçko 2009-cu ildə istehsal olunmuş Fine Custom Puncher motosikletinə və 2013-cü ildə istehsal olunmuş Land Rover Discovery avtomobilinə sahibdir.
Bundan əvvəl Ukrayna Antiinhisar Komitəsinin (UAK) rəhbəri Pavel Kirilenkonun qohumlarında 1,8 milyon dollar (70 milyon qrivna) dəyərində əmlak aşkar edilib. Ailə üzvləri tərəfindən bu cür alışlar son 25 ildə rəsmi gəlirlərindən artıq olub.