BAKI, 29 mart - Sputnik. Moskva Ukrayna ilə bağlı konfransda iştirak etməyəcək.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova "Telegram"da yazıb.
O, Ukrayna xarici işlər naziri Dmitri Kulebanın İsveçrədə keçiriləcək ikinci və üçüncü "sülh sammiti" ilə bağlı açıqlamalarına belə cavab verib.
Zelenski 2022-ci ilin noyabrında "sülh formulunu" səsləndirib. Onun təşəbbüslərinə radiasiya, nüvə, ərzaq və enerji təhlükəsizliyi daxildir.
Rusiya Prezidenti Vladimir Putin Zelenskinin "sülh formulu"nun danışıqlar üçün qadağan tədbirləri olduğunu bildirib. O xatırladıb ki, Ukraynada Rusiya ilə istənilən danışıqların mümkünlüyünü inkar edən dekret qüvvədə olmaqda davam edir.
Kremlin rəsmi nümayəndəsi Dmitri Peskov bildirib ki, Ukrayna Rusiyanın şərtlərini anlamalı və onlarla razılaşmalı olacaq. Onun fikrincə, Qərb ölkələri indi hərbi əməliyyatların davam etdirilməsinin tərəfdarıdır və Kiyevə sülh haqqında düşünməyi "qadağan edir".