BAKI, 29 mart — Sputnik. Dünya bazarlarında "Azeri Light" (CIF) markalı Azərbaycan neftinin qiyməti artıb.
Azərbaycan neftinin 1 bareli üzrə qiyməti 1.71 ABŞ dolları və ya 1.95% artaraq 89,22 dollar təşkil edib.
ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2024-cü ilin iyun müqaviləsinin dəyəri 0,05 % artaraq 1 barelə görə 86,99 ABŞ dolları təşkil edib.
Nyu-Yorkun NYMEX əmtəə birjasında bu ilin mayında ixrac etməklə WTI markalı neftin 1 barelinin qiyməti isə 2,16 % artaraq 83,11 ABŞ dolları təşkil edib.
28.03.24, 11:36
Neft bahalaşır - Proqnoza görə, bu il "Brent" nefti yüz dollara çata bilər
İnvestorlar ABŞ-nin neft və benzin ehtiyatları ilə bağlı son məlumatları qiymətləndirdikcə neft qiymətləri yüksəlib.
"Brent" markalı neft 31 sent artaraq 86,40 dollar, ABŞ-nin Qərbi Texas (WTI) nefti 39 sent artaraq 81,74 dollar olub. Hər iki markalı neft keçən aydan təxminən 4,5 faiz bahlaşıb.
"Azeri Light" markalı Azərbaycan nefti isə 79 sent ucuzlaşaraq 87,51 dollar təşkil edib.
Qeyd edək ki, neft qiymətləri keçən həftə ABŞ-də xam neft və benzin ehtiyatlarının gözlənilməz artımından sonra təzyiqə məruz qalmışdı.
Analitiklər ABŞ Mərkəzi Bankının uçot dərəcəsini aşağı salacağını proqnozlaşdırırlar. Aşağı faiz dərəcələri neftə olan tələbi dəstəkləyir. Digər tərəfdən, Yaxın Şərqdə gərginliyin qalması neft qiymətlərini dəstəkləyir.
Bu arada investorlar Neft İxrac Edən Ölkələr Təşkilatının (OPEC) gələn həftə keçiriləcək iclasını izləyəcəklər.
ABŞ-nin və dünyanın ən böyük investisiya banklarından olan "JPMorgan" hesab edir ki, Rusiyanın neft hasilatını azaltmasından sonra bu il "Brent" markalı neftin qiyməti 100 dollara çata bilər. İnvestisiya bankının analitikləri proqnozlaşdırırlar ki, Rusiyanın atacağı addımların təsiri ilə "Brent" markalı neftin qiyməti mayda 90 dollara, sentyabrda isə 100 dollara yaxınlaşacaq.
Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 dollar), maksimal qiyməti isə 2008-ci ilin iyulunda (149,66 dollar) qeydə alınıb.
Azərbaycanın builki dövlət büdcəsində bir barel neftin orta qiyməti 60 dollardan hesablanıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.