BAKI, 28 mart — Sputnik. Dağıstanın14 sakini cinayət işlərinə cəlb edilib və Ukrayna silahlı qüvvələrinin bölmələrinin tərkibində xüsusi hərbi əməliyyatda iştirak etdikləri üçün axtarışa verilib. Bu barədə Dağıstan muxtar respublikasının daxili işlər naziri Abduraşid Maqomedov parlamentdə 2023-cü il üzrə Polis Fəaliyyəti Hesabatı ilə çıxış edərkən bildirib.
"Görülən işlər nəticəsində hazırda Ukrayna Silahlı Qüvvələrinin bölmələrində Rusiya silahlı qüvvələrinə qarşı döyüş əməliyyatlarında iştirak edən 14 Dağıstan sakini müəyyən edilib. Onların barələrində cinayət işi başlanıb və axtarışda olanlar siyahısındadırlar", - Maqomedov deyib.
Martın ortalarında Mahaçqala məhkəməsi xarici muzdlular kimi Ukrayna Silahlı Qüvvələrinin tərəfində keçirilən xüsusi əməliyyatda iştirak edən vətənə xəyanətdə ittiham olunan iki Dağıstan sakinini qiyabi həbs edib.
Ukraynada nə baş verir?
Xatırladaq ki, Rusiya 2022-ci il fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.