BAKI, 28 mart - Sputnik. MDB ölkələri siyasət və biznes sahəsində kadrların hazırlanması istiqamətində səyləri gücləndirməlidirlər ki, onlar çox yaxın gələcəkdə cəmiyyətin gələcəyini müəyyən edəcək və onun inteqrasiya məsələlərinin bütün kompleksi ilə məşğul olacaqlar.
Belə bir bəyanatla Avrasiya Beynəlxalq Universitetinin (ABU) rektoru Konstantin Klimenko MDB-yə üzv ölkələrin Beynəlxalq İqtisadi Forumu zamanı çıxış edib.
“MDB gözəl başladı, lakin bu gün biz gördüyümüz vəziyyətə gəldik. İndi isə biz həmişəkindən daha çox birgə inteqrasiyanın inkişaf etdirilməsi və birlik çərçivəsində daha sıx münasibətlərin qurulması məsələləri ilə üzləşmişik”, - o, deyib.
MDB bayraqları, arxiv
© Sputnik / Сергей Карпухин
Rektorun sözlərinə görə, iş ondadır ki, bu gün MDB ölkələrinin bir çox gənc vətəndaşları onun mövcudluğu haqqında belə bilmirlər:
"Biz MDB ölkələrinin üç universitetinin tələbələri arasında sorğu keçirdik. Rusiya orada iştirak etməyib. Bu, elmi araşdırma deyil, amma yenə də. Belə ki, respondentlərin 58%-nin MDB-nin nə olduğu və ölkələrinin Birliyin üzvü olması barədə heç bir fikri olmayıb”.
"Bu, düşünməyə vadar edir. Axı söhbət ali məktəb tələbələrindən gedir!", - o, qeyd edib.
Bu vəziyyət, ABU rektorunun fikrincə, qəbuledilməzdir və mümkün qədər tez dəyişdirilməlidir. Biznes, hökumət və siyasət, o, əmindir ki, burada bir yerdə getməlidir, əvvəlcədən kadr hazırlamalıdırlar.
“İndiyədək MDB məkanında bununla bağlı az iş görülüb. Lakin biz gənc siyasi liderləri və biznes liderlərini yetişdirməliyik ki, onlar daha sonra gələcəyi müəyyənləşdirəcək və icmamız daxilində bütün inteqrasiya prosesləri ilə məşğul olacaqlar”, - Klimenko vurğulayıb.
Ən son nümunələrdən biri kimi o, ABU-nun istifadəyə verdiyi yeni platformadan danışıb.
“Universitetimiz MDB və Avrasiya məkanında sahibkarlığın inkişafı üçün ekosistemin mərkəzidir. Bununla əlaqədar olaraq, biz birlik ölkələrində 5 minə yaxın kiçik və orta biznes nümayəndəsini birləşdirəcək platforma açmağa hazırlaşırıq. Ümid edirik ki, bu addım digərləri ilə yanaşı, MDB çərçivəsində daha möhkəm əlaqələr və davamlı inteqrasiyanın qurulmasına kömək edəcək”, - rektor fikrini yekunlaşdırıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.